O proxecto Cantigas de Santa María forma parte do macroproxecto ArGaMed, sumando así o corpus da poesía relixiosa escrita en galego-portugués ó da lírica profana, para ofrecer dese xeito unha visión de conxunto da produción poética da escola trovadoresca galego-portuguesa. Esta ollada enriquece ambos os dous rexistros ó permitir contemplar a produción mariana no seu contexto poético e, ó mesmo tempo, extender o movemento trovadoresco a un xénero completamente distinto, pero que comparte ca súa matriz formas métricas, certos temas e motivos e, probablemente, autores.

Así mesmo, a incorporación de bibliografía específica sobre as CSM, Alfonso X e o seu reinado, complementa a enorme base de datos bibliográfica MedDB.